نداء من قارة المنسيين
بحور الغُربه
يابحور مالهاش مواني ........ مبحرة بينا علي فين ...... هاجرنا بعيد ....... وعشنا متغُربين ...... ونسينا احنا مين ...... .. ونسينا احنا جينا منين ..... ومش عارفين واخدانا لفين ...... لفلفنا جروحنا وذكرياتنا ..... ودفناها في قلوبنا الحزينه ...... ودرنا متغُربين ...... في بحور مالهاش مواني ...... ما بيونسناش في ليلها الطويل ...... غير ضي القمر والناي الحزين ....... واه من الليل واخرة ...... واهات وجروح مالهاش مداوي ......... في بحور مالهاش مواني ...... جرحت كل الاطبه ....... والمداويين ...... بسهمين في القلب ....... الاول كان سهم العشق ....... والسهم الثاني كان سهم الغُربه ....... وبحور ليلها الطويل ....... اللي بننادي فيه طول الليالي من جوانا ....... علي حبايبنا ...... بدموع قلوبنا وعنينا ...... واحنا مبحرين في بحور الغُربه ...... ومراكب المتغُربين ...... في بحور مالهاش مواني ....... تلف بينا الليالي ...... وتدور بينا السنين ........ بتحرق قلوبنا اشواق الفراق ....... والغُربه ويومها اللي بيعدي اطول من السنين ........ وجبال الاحزان اللي بتعلي ...... يوم بعد يوم واحنا متغُربين ....... بننادي من جوة قلوبنا ........ علي مراكب بعيده ........ في بحور الحب ....... تاخدنا وترجعنا وياها ........ وتاخدنا وتخبينا جواها ....... تخبينا في حضنها من غير رجوع ....... علشان قلوبنا وعينينا يفارقهم الحزن والدموع ....... زي الطيور المهاجرة ...... مابتعاود لاوطانها واهاليها ....... واحنا بنرقبها كل يوم وكل وقت ....... ونتمني يبقالنا زيها جناحيين ....... جناح من الحب ....... وجناح الشوق ...... لاجل مانعاود بيهم طايرين ....... ونضلل بيهم علي كل حبايبنا واهالينا ....... ونقول ياحضن الاهل والحبايب يادافي ....... خدني جواك ونسيني الدموع ........ خدني من غير رجوع ....... وندور ويا الليالي ........ ويعاود معانا كل صحابنا وحبايبنا المتغُريبين ....... ونقيد شموع افراحنا في ليالينا ....... ونودع الناي الحزين ........ وتعود من تاني افراحنا ....... واحنا بنحضن كل حبايبنا واهالينا ........ وتنور شموع الفرح شوارع قلوبنا الحزينه ....... ويسهر معانا الفرح في كل مينا ....... والحب مضلل بجناحه علينا ......... واحنا في بلادنا بين حبايبنا واهالينا
ليست هناك تعليقات:
إرسال تعليق